喜來稀肉 (瓊華中心)

營業中

休息中

我好耐無去過食韓燒，最近睇過網上啲人介紹呢度。咁啱又約到朋友，所以就一齊嚟試下。我哋得2個人，食得唔多。所以只叫咗五花腩，護心肉，海鮮葱餅，飲品等……不過都已經食得好飽。首先講下個五花肉，佢一層肥一層瘦，而且肥瘦好均匀兼且帶皮，所以食落有啲咬口，燒烤後啲油脂亦好甘香，夾住生菜，少少蒜片食真係正。而護心肉有少少筋膜，但係食起嚟唔靭，好好食。而送上嚟嘅護心肉有厚有薄，燒烤嘅時候要睇實，唔係好易煮得過咗火，咁就嘥咗喇。而爐邊啲雞蛋，同芝士雞蛋好軟熟，如果唔夠仲可以添加㗎！海鮮葱餅，海鮮我就食到有魷魚，蝦。而且有好多葱！啲葱好甜好好食！！！唯一覺得唔係咁好就係個餅比較厚，食完呢個都已經好飽………搞到都無quota 試下其他嘢………另外，仲可出去夾嗰啲泡菜，酸蘿蔔，芽菜等等……我就好鍾意食酸蘿蔔喇！！啲蘿蔔酸酸哋同好爽，好好食！！我自己就夾咗2轉啦！最後我仲叫咗杯柚子汽水，有好重柚子味。佢送到嚟時，記得搞匀嚟飲呀！！咁先好好飲。仲有樣嘢值得一讚，就係服務員會成日好主動問使唔使換鐵板 棒棒的！