影片
更多
2024-06-23
113 瀏覽
難得放假，同媽咪去食靚lunch chill 吓。媽咪話好耐冇食韓燒，於是帶佢嚟炑八。黃大仙分店都幾大，環境及座位舒適，油煙抽得幾好，完全冇油煙味。我哋分別嗌咗一個午市定食同埋午昼燒肉時光餐share 食，另外再追加幾款肉類燒烤。午市定食：和牛燒肉飯 $98個定食都幾豐富，有幾款前菜任食，有碗海帶湯，仲有主食。今日嘅前菜有海帶，大豆芽菜，酸蘿蔔片，泡菜，豆角同埋薯蓉。和牛燒肉飯 好大一碗，熱辣辣，香噴噴充滿牛肉及油香味。食塊和牛燒肉，好腍滑，油脂香氣四溢。紫洋蔥加上甜甜帶有黑椒及蒜蓉的醬油，真係好好佐飯。另外，牛肉上面嗰隻糖心蛋勁香，好入味。午昼燒肉時光：醬油牛肋骨$208個餐包咗碗湯，沙律，生菜及一碗白飯。另外，爐邊蛋同埋粟米芝士都可以無限追加。醬油牛肋骨超長一條，見到都開心。將牛肋骨剪成細細件，容易燒，燒得表面焦香內裏Juicy爆汁，勁香，牛肋骨調味得好好味，唔會太鹹，少少甜，真係好惹味，用生菜包住吃，啖啖肉又夠爽口。配料有啲鮮冬菇同埋一隻大蝦。估唔到隻大蝦幾鮮味，好有蝦味，蝦肉亦爽口。我哋用優惠價追加咗三款肉，每款$48。蔥蒜雞腿肉$48雞髀肉厚肉，好爽滑。蔥蒜牛五花$48牛五花
我哋分別嗌咗一個午市定食同埋午昼燒肉時光餐share 食，另外再追加幾款肉類燒烤。
午市定食：和牛燒肉飯 $98
個定食都幾豐富，有幾款前菜任食，有碗海帶湯，仲有主食。
今日嘅前菜有海帶，大豆芽菜，酸蘿蔔片，泡菜，豆角同埋薯蓉。
和牛燒肉飯
好大一碗，熱辣辣，香噴噴充滿牛肉及油香味。食塊和牛燒肉，好腍滑，油脂香氣四溢。紫洋蔥加上甜甜帶有黑椒及蒜蓉的醬油，真係好好佐飯。另外，牛肉上面嗰隻糖心蛋勁香，好入味。
午昼燒肉時光：醬油牛肋骨$208
個餐包咗碗湯，沙律，生菜及一碗白飯。另外，爐邊蛋同埋粟米芝士都可以無限追加。
醬油牛肋骨超長一條，見到都開心。
將牛肋骨剪成細細件，容易燒，燒得表面焦香內裏Juicy爆汁，勁香，牛肋骨調味得好好味，唔會太鹹，少少甜，真係好惹味，用生菜包住吃，啖啖肉又夠爽口。
配料有啲鮮冬菇同埋一隻大蝦。估唔到隻大蝦幾鮮味，好有蝦味，蝦肉亦爽口。
我哋用優惠價追加咗三款肉，每款$48。
蔥蒜雞腿肉$48
雞髀肉厚肉，好爽滑。
蔥蒜牛五花$48
牛五花冇牛肋骨咁腍滑，但係牛油香氣一樣重，口感亦唔錯。
豬肋肉$48
豬肋肉幾爽口，唔會韌，味道不錯。
飲品方面，我哋叫咗柚子檸檬梳打及手打鮮橙果茶。大大杯，柚子檸檬梳打味道較香甜，手打鮮橙果茶則口味較為清新，用來配搭韓燒，好解渴。
張貼
