影片
更多
2021-09-30
1894 瀏覽
惠比壽响葵芳匯開咗一段日子，但位置比較隱蔽，鄰近嘅葵廣，新都會又有把競爭，平日行過路過次次都錯過。所以今日專登去試下。惠比壽走中價街坊路線，但性價比算高，大件抵食絕對對得起個價錢（$）。店內地方闊落開揚，光線充足，環境寧靜，感覺舒適放鬆。服務方面，街坊街里親切友好，細心周到。香蔥鮪魚蓉丼定食（$98）鮪魚蓉非常大手筆，厚厚一層，鮮味濃郁，壽司飯量足，配味噌湯，沙律，飽肚感＋滿足感爆棚。牛肉壽喜燒定食（$118）牛肉有4大片，鍋底有大量蔬菜，定食再配雜菜沙律、味噌湯、白飯。醬汁偏甜，牛肉鮮嫰，份量都幾多吓，一個人真係好吃力。特上壽司配烏冬定食（$112）10件壽司配湯烏冬。壽司有甜蝦、三文魚、油甘魚、鮪魚蓉、三文魚籽、帆立貝、池魚、吞拿魚。款式多而且幾新鮮，入口常溫，唔似坊間有陣雪味又凍冰冰。套餐配嘅烏冬湯底係豬骨濃湯，烏冬滑溜有彈性，食完生冷嘢再食熱烏冬，成個人舒服晒！追加炸雞（＋$18）皮脆肉嫰，值得追加。加洲卷（＋$26）只有3小件，偏貴又一般。蟹籽沙律（＋$28）青瓜，蟹柳都好多，但套餐已經有沙律，所以可以唔叫都得。甜品 - 黑糖葛粉糕（＋$28）葛粉糕係熱嘅，配黑糖＋黃豆粉，傳
惠比壽走中價街坊路線，但性價比算高，大件抵食絕對對得起個價錢（$）。店內地方闊落開揚，光線充足，環境寧靜，感覺舒適放鬆。服務方面，街坊街里親切友好，細心周到。
香蔥鮪魚蓉丼定食（$98）鮪魚蓉非常大手筆，厚厚一層，鮮味濃郁，壽司飯量足，配味噌湯，沙律，飽肚感＋滿足感爆棚。
牛肉壽喜燒定食（$118）牛肉有4大片，鍋底有大量蔬菜，定食再配雜菜沙律、味噌湯、白飯。醬汁偏甜，牛肉鮮嫰，份量都幾多吓，一個人真係好吃力。
特上壽司配烏冬定食（$112）10件壽司配湯烏冬。壽司有甜蝦、三文魚、油甘魚、鮪魚蓉、三文魚籽、帆立貝、池魚、吞拿魚。款式多而且幾新鮮，入口常溫，唔似坊間有陣雪味又凍冰冰。套餐配嘅烏冬湯底係豬骨濃湯，烏冬滑溜有彈性，食完生冷嘢再食熱烏冬，成個人舒服晒！
追加
炸雞（＋$18）皮脆肉嫰，值得追加。
加洲卷（＋$26）只有3小件，偏貴又一般。
蟹籽沙律（＋$28）青瓜，蟹柳都好多，但套餐已經有沙律，所以可以唔叫都得。
甜品 - 黑糖葛粉糕（＋$28）葛粉糕係熱嘅，配黑糖＋黃豆粉，傳統日式糕點，好滿足。
張貼
