麵麵 (已結業)

來旺角食麵，嘴刁的我都唔係間間都食，而我最愛就係位於彌敦道726的麵麵。麵麵最出名莫過於這裡的濃魚湯，連麵都係魚烏冬，好重魚肉味。我點了一個安格斯牛肉濃魚湯魚烏冬，牛肉份量算多而且肉質嫩香，配著魚湯的鮮味，十分搭配，加上魚烏冬的口感特別，從未在任何麵店吃過這種口感的烏冬，真係超正。麵餐配搭著小菜，今次有甜番薯仔，蘿蔔仔同海帶，好開胃。下午茶是十分抵的，我仲點多份炸雞翼配薯條，好香好脆的雞翼，薯條也是新鮮出爐，真係又脆又好味。下午茶餐最抵係包野飲，而我選擇加$10可以飲特飲，我點了杯泡沫玫瑰奶茶，超香的玫瑰味奶茶，賣相十分好，還有一朵實用玫瑰，真係要好好品嚐。大家如果未試過麵麵就一定要來試下啦，小柔極力推薦。