影片
更多
2017-10-25
758 瀏覽
同朋友嚟荃灣做運動，之後經過一間西餐廳，見到好多客，又覺得情調幾好，就入去試吓。餐廳入面環境都幾暗，枱上面擺有小蠟燭。餐廳叫Catee，係貓主題餐廳，Logo牆上嘅掛畫、瓷磚都係貓貓圖案。幾個人叫左唔少野食，精選左啲特別野介紹吓。【Milk Shake Martini】呢杯係餐廳送嘅特飲，每個客人都有一杯。雖然叫Martini，但係冇酒精架，大人細路都好啱飲。頂層係士多啤梨汁打成嘅泡泡，入口感覺好得意，又帶一啲士多啤梨香味。中間係藍莓奶昔，幾幼滑又唔太甜。最底層係士多啤梨汁珠珠，將士多啤梨汁放入針筒，再一滴一滴咁滴落啲特製液體，咁士多啤梨汁就會由液體變成珠狀，好似做分子料理咁，改變佢嘅形態，巧「打耳」。因為啲泡泡係要即打即放上面頭，所以每次只可以做幾杯，都幾花心機。【Pina Colada】係一款我好鍾意嘅Cocktail，Rum酒 + Malibu椰子酒 + 菠蘿汁 +椰汁，酒味唔會太濃，反而菠蘿同椰汁嘅香味係更出，好好飲，亦都好易入口，唔怕會醉。【Virgin Mary】其中一個朋友點左呢款Mocktail，Virgin意思係「飛」左酒嘅Cocktail。Bloody Mary本來
餐廳入面環境都幾暗，枱上面擺有小蠟燭。
餐廳叫Catee，係貓主題餐廳，Logo牆上嘅掛畫、瓷磚都係貓貓圖案。
幾個人叫左唔少野食，精選左啲特別野介紹吓。
【Milk Shake Martini】呢杯係餐廳送嘅特飲，每個客人都有一杯。雖然叫Martini，但係冇酒精架，大人細路都好啱飲。頂層係士多啤梨汁打成嘅泡泡，入口感覺好得意，又帶一啲士多啤梨香味。中間係藍莓奶昔，幾幼滑又唔太甜。最底層係士多啤梨汁珠珠，將士多啤梨汁放入針筒，再一滴一滴咁滴落啲特製液體，咁士多啤梨汁就會由液體變成珠狀，好似做分子料理咁，改變佢嘅形態，巧「打耳」。因為啲泡泡係要即打即放上面頭，所以每次只可以做幾杯，都幾花心機。
【Pina Colada】係一款我好鍾意嘅Cocktail，Rum酒 + Malibu椰子酒 + 菠蘿汁 +椰汁，酒味唔會太濃，反而菠蘿同椰汁嘅香味係更出，好好飲，亦都好易入口，唔怕會醉。
【Virgin Mary】其中一個朋友點左呢款Mocktail，Virgin意思係「飛」左酒嘅Cocktail。Bloody Mary本來已經係酒精含量較低嘅cocktail，唔落伏特加，變成左「處女」! 其實即係加左料嘅蕃茄汁，蕃茄汁再加Tabasco、檸檬汁、鹽、胡椒…… 試左一啖，我唔識欣賞，而「純純兔」朋友就話就話好正好鍾意。
面頭加左啲生果、香葉、乾花做裝飾，係幾靚嘅，加晒分。
【龍蝦濃湯】送左好多餐包，仲係熱嘅。龍蝦湯好大碗，份量大約有兩個中式飯碗咁大，兩個人Share一鍋都夠飲。落左好多Cream，好Creamy，入面有唔少龍蝦肉，夠濃稠，用原個鍋仔上枱，上枱後先開蓋，保持溫度。
【Hoegaarden啤酒煮蜆】蜆隻隻都好鮮甜，冇沙。雖然加左三色椒，但椒味無遮蓋到蜆嘅鮮味，而且啤酒香味好出好出，真係正! 醬汁又多，我最鍾意呢道菜。必食!!!
Hoegaarden啤酒煮蜆
8 瀏覽
0 讚好
0 留言
另外有兩款小食用小鐵匙裝住，添一分高級典雅。
【煙三文魚蟹肉波波】煙三文魚包住一梳梳蟹肉，做到波嘅形狀，一啖一件，三文魚、蟹肉、魚子，三種滋味集一身，唔錯。
【雙影帶子配黑魚子】 帶子好厚身亦夠大件，口感極之彈牙，味道鮮甜。兩邊微微封煎，幾香口。
【烤澳洲肉眼扒伴燒汁】配菜有薯蓉，難得仲有秋葵，配搭唔錯。牛扒冇燒烤格紋，但都做得唔錯，裏面仍然保持紅嫩，食落肉味濃郁。
肥瘦分佈均勻，肉汁豐富。
【香煎龍躉魚柳伴香蒜牛油汁】好少食到龍躉魚柳，所以點左一份。兩件魚柳好大件，魚皮煎到好脆口。魚肉雪白柔軟，「純純兔」朋友仲一路食一路讚肉質鮮甜。另外有少少魚骨，食嗰時要小心啲。
【意式奶凍】主要係個器皿幾得意，好似一彎月亮，影相幾靚。味道只係一般，質感Q彈，朱古加醬味道蓋過左奶味。
整體幾好食，主菜都係百幾蚊至二百幾蚊，加$50可以轉套餐，有齊沙律、餐湯、飲品、甜品，性價比高。仲送左特飲，好窩心!
張貼
