水門雞飯 (豉油街)

營業中

休息中

今晚係旺角同同事食完晚飯，收屋企人指示要買外賣，行經呢間水門雞飯，好多人堂食，就買d返屋企試下，最後認唔住又一齊食埋🤭。串燒泰式串燒一向好食，我同屋企人都好鐘意！今次揀左豬肉串燒，燒得好香，肉嫩又帶d脂肪位，邪惡又好食，完全唔會鞋口， 加上沙嗲醬汁，味道提昇，夠晒惹味香濃。泰式滷水牛三寶炆得好夠入味同夠火喉，食落淋得嚟又有少少爽口，牛栢葉同金錢肚真係好好味，吸晒滷水汁，少少煙煙韌韌口感，另外亦有牛脷同白蘿蔔等等，蘿蔔食落香甜，正。蝦頭膏炒雜菜蝦頭膏嘅味道真係一絕，風味獨特，宵夜時間食真係一流，喺相對濃香，令你食落一啖接一啖咁想食，配搭雜菜嚟炒，西蘭花，椰菜，珍珠粟米同椰菜花等等，食起嚟就light d, 更加好，唔會又濃味又啖啖肉咁滯，咁樣炒雜菜反而更夾！燒原隻魷魚膽固醇標高之美食，估唔到佢嘅份量咁大，成隻手掌咁，一客有2隻，啱啱好火喉唔會太乾太硬，QQ咬口，隔滋隔滋口感，再加上佢地提供嘅辣汁，太爽了！呢個價錢嚟講，cp值太高！