Tapa Room (積福大廈)

營業中

休息中

Item: Tapa Room (積福大廈)
Rating: 5
Author: hkgourmetparadise

4.5

292 食評

味道

環境

服務

衛生

抵食

15297

銅鑼灣

$101-200

西班牙菜酒酒吧

265

hkgourmetparadise

等級4

333

喺以前仲有得去旅行嘅日子，我有次去咗40幾日歐洲旅行，一路有北歐玩落去。唔知係咪因為窮遊，唔係餐餐都食得好，去到中途有啲掛住亞洲嘅食物，有啲思鄉（呢個思鄉真係解掛住香港）。然後我記得我去到西班牙嗰陣好開心，因為佢有飯食（西班牙海鮮飯），啲tapas又有好多款揀，好正。自此之後，我就覺得西班牙菜好好食，係我比較鍾意嘅歐洲菜式。今次嚟咗銅鑼灣呢間Tapa Room食西班牙菜，有好多唔同嘅Hot Tapas同Cold Tapas揀，我就每樣揀左幾款。至於main course就揀左Seafood Paella，去回味返喺西班牙旅行嗰陣日日食paella嘅感覺。🐙Octopus Carpaccio Slow-cooked 薄切慢煮八爪魚 $78慢煮嘅八爪魚加上少少橄欖油帶出咗八爪魚本身嘅鮮味，食落嘅口感幾彈牙，感覺幾清新，配埋蕃茄同青瓜製成嘅醬，酸酸甜甜咁，作為第一道菜，都算幾開胃。🐷Jamon Iberico 24 Months 西班牙黑毛豬火腿24個月 $88Jamon Iberico同Paella真係並列為我最鍾意嘅西班牙食物。想當年去到西班牙嗰陣，第一次喺當地食Jamon Iberic

喺以前仲有得去旅行嘅日子，我有次去咗40幾日歐洲旅行，一路有北歐玩落去。唔知係咪因為窮遊，唔係餐餐都食得好，去到中途有啲掛住亞洲嘅食物，有啲思鄉（呢個思鄉真係解掛住香港）。然後我記得我去到西班牙嗰陣好開心，因為佢有飯食（西班牙海鮮飯），啲tapas又有好多款揀，好正。自此之後，我就覺得西班牙菜好好食，係我比較鍾意嘅歐洲菜式。

今次嚟咗銅鑼灣呢間Tapa Room食西班牙菜，有好多唔同嘅Hot Tapas同Cold Tapas揀，我就每樣揀左幾款。至於main course就揀左Seafood Paella，去回味返喺西班牙旅行嗰陣日日食paella嘅感覺。

🐙Octopus Carpaccio Slow-cooked 薄切慢煮八爪魚 $78
慢煮嘅八爪魚加上少少橄欖油帶出咗八爪魚本身嘅鮮味，食落嘅口感幾彈牙，感覺幾清新，配埋蕃茄同青瓜製成嘅醬，酸酸甜甜咁，作為第一道菜，都算幾開胃。

Octopus Carpaccio Slow-cooked

🐷Jamon Iberico 24 Months 西班牙黑毛豬火腿24個月 $88
Jamon Iberico同Paella真係並列為我最鍾意嘅西班牙食物。想當年去到西班牙嗰陣，第一次喺當地食Jamon Iberico，感覺真係非常驚艷，覺得好好食。係就係鹹左啲，但嗰種鹹香，喺口入面久久不能散去，令人回味無窮。我記得嗰陣離開西班牙，最唔捨得嘅就係呢樣食物，因為喺香港食通常都會好貴，可能唔會再有咁多機會食到。今次喺呢度見到，價錢仲要咁平，都有成十塊，真係好抵，食落仲要係西班牙嘅味道，令我好想下次再黎食。

Jamon Iberico 24 Months

🥔Tortilla De Patata 西班牙薯仔蛋餅 $78
呢道hot tapas都令人非常有驚喜，一切落去，啲餡料就流曬出黎，好靚。蛋餅充滿蛋香，調味又啱啱好，更驚喜嘅係薯仔粒好甜，係天然嘅薯仔甜味，好好食。

🫑Padron Peppers西班牙小青椒 $68
由西班牙空運過嚟嘅青椒，同喺香港買到嘅青椒係有啲唔同嘅，呢個青椒比較短身，食落亦比較鮮甜，同香港嘅青椒比，呢隻青椒一啲都唔辣，唔鍾意食辣嘅朋友都可以試吓。呢一道菜將西班牙青椒炸起，再喺青椒表面灑鹽。鹽可以帶出青椒嘅鮮味，鍾意食青椒嘅朋友一定要試吓呢道菜啦。

🐖Iberico Pork Meatball in Roasted Sweet Pepper Sauce 西班牙黑毛豬肉丸伴烤甜椒醬肉丸 $78
黑毛豬肉丸外皮係炸出嚟嘅，入邊豬肉丸嘅豬肉味好重，加埋烤甜椒醬，甜甜酸酸咁，同濃味嘅豬肉丸形成對比，值得一試。

Iberico Pork Meatball in Roasted Sweet Pepper Sauce

🥘Seafood Paella 西班牙海鮮鍋飯（二人份）$188
呢盤Paella一上檯，即刻傳黎好香嘅蝦味，令人食指大動。唔係好大碟，但飯上面滿佈海鮮，有四隻蜆、四隻大蝦、四隻青口同埋一堆魷魚圈。啲飯食落都好有海鮮味，好好食。最令我驚喜嘅係蜆，好大隻，仲好鮮甜，又充滿海水嘅味道，勁好食。青口咬落都好香。大蝦有濃濃嘅蝦味，同埋佢有剝走部份嘅殼，所以食嗰陣都好方便，好容易整走啲殼。啲蝦大大隻，好食。

🍹The Classic $108
The Classic係由Tanqueray gin, schweppes tonic water再加青檸、檸檬同juniper berries而整成嘅cocktail，味道上同普通嘅gin tonic好似。特別嘅地方係佢嘅青檸味好重，飲落去有甘甜嘅感覺。食嘢嘅時候如果想清一清口入面嘅味道，呢一杯cocktail係唔錯嘅選擇。