Cova Ristorante & Caffe (太古廣場) (已結業)

一開番晚市，梗係要搵啲好嘢食吓！金鐘cova一向幫襯開，午餐、下午茶都成日幫襯，今次試咗個二人份斧頭扒晚餐，要寫個食評支持一下！本身晚餐喺疫情之前係有豐富自助頭盆任你食，而家轉左頭盆碟上，食完就可以叫侍應添，而添食仲可以選擇只添自己喜歡食嗰一兩樣都得！食完頭盆，就有非常高水準嘅湯，今次係磨菇湯，味濃有菇粒，又香又滑，配埋面包，根本冇得輸！主菜嚟喇，二人份斧頭扒！叫左三成熟，配以薯條、菠菜葉、松露粟米蓉，仲有海鹽&香濃牛扒汁，主菜一上枱，已經成為成間餐廳嘅焦點，其實枱嘅食客都投以艷羨目光，賣相都已經非常吸引！牛肉味香濃，肉質鮮嫩又多汁，質素毋庸置疑相當高！兩個人食非常滿足，細食嘅朋友肯定要打包！最後仲有甜品及餐茶，成餐都十分之滿意！大滿足！價錢方面，本身晚飯每位$388，而斧頭扒主菜需要加$388，所以兩個人埋單$388x3，另外我甜品加咗$38食cova最出名嘅靚cake，$1300左右埋單，不過埋單佢又送現金卷，睇嚟好快又去食多次！