象泰 (已結業)

琴日同男朋友去左屯門，路過雅都商場，之前睇過有啲報導話個商場重新包裝過。上到去一睇，嘩！！成個一樓變左做food court 。男朋友話想食泰國菜，所以就黎試試。我地兩條友仔叫左冬陰公、生菜包、拼盤同香葉肉碎炒飯。個冬陰公超Nice~唔似其他舖頭個啲，我估可能因為加左椰子奶，有淡淡椰香味，好岩港人口味，而且超足料，有好多蝦同菇菇👍🏻生菜包就一般般，我個人就覺得炒得唔夠乾身，但味道是可以的。拼盤熱辣辣，好香口！鍾意食煎炸野既我，必選！！！最後就係個炒飯，不過不失，如果可以濃味多啲啲就更加好。整體來說，我會再來幫襯，環境乾淨，價錢又唔貴，$416埋單 飽到攬住肚仔返屋企！😂