泰傳奇 (已結業)

E-Max國際展貿中心2樓新閧了一間泰國菜館，老公鐘意食泰國菜，我又鐘意試新野，今日特登去九龍灣湊放工兼揾食，餐廳環境不錯，餐牌選擇超多，真係選擇困難，好彩店主非常熱情好客，幫忙推介美食。二人點了生蝦刺身、蒜蓉包、肉碎生菜飽(豬-雞)、冬蔭功湯、泰式海南雞飯、豬頸肉船麵湯配斑蘭粉，食材非常優質，味道有驚喜，店主話遲些仲會再加菜式，例如泰國翅，真係十分期待。生蝦刺身超彈牙，肥嘟嘟，好大隻，店主推介必須食埋伴碟配菜嘅苦瓜，果然係很好食，蒜蓉包外脆內軟，非常香口，肉碎生菜飽(豬-雞)，玻璃生菜非常翠綠，唔單只係個樣靚，味道仲好清甜新鮮，冬蔭功湯，材料十足，老公飲到噓噓聲，佢話又辣又香又足料，泰式海南雞飯，雞肉又香又滑，油飯味道超香，飯較乾身，沒有油膩感覺，這個不是店舖的招牌菜，但水準比較海南雞專門店更加出色，詢問之下，店主話他們是用新鮮雞炮製的，難怪會咁好食。豬頸肉船麵湯配斑蘭粉，湯底香濃，豬頸肉很入味又香腍，麵底有淡淡斑蘭香味，但掛住影相，麵條發漲了不少，依然爽口，店主話如果上餐即食味道更爽口好食。餐廳環境幾好，食物質素高，服務超好，有誠意，但選擇太多，如果有選擇困難症，一定要找店主幫忙！