一喜車仔麵

營業中

休息中

放工好肚餓，同同事喺附近食個快飯第一次嚟呢間車仔麵，出色，絕對要encore!除咗普通車仔麵配料之外，佢哋有好多特色嘅肉丸好高質！一碗紫菜四寶，就可以試到四款唔同嘅丸子，非常推薦。特別欣賞依粒汕尾手工小米糧，外面好滑，餡料係豬肉同馬駮，口感同味道都好特別！有魷魚嘅魷魚丸，又真係粒粒都咬到魷魚，真材實料！咖喱三寶：魚蛋、牛柏葉、魷魚個咖喱汁好惹味，好香，但又唔會太辣太嗆，鍾意咖喱汁嘅話，車仔麵都可以加👍🏼👍🏼屋企人就叫咗一碗車仔麵，同埋炸韭菜餃炸韭菜餃外型好靚，好四正見到有個姐姐現場默默包餃子，乾淨企理，好有家的感覺😄😄炸韭菜餃仲保留少少肉汁，外皮做得好薄，唔錯重點推介佢哋嘅銀針粉好滑溜，口感好軟糯！車仔麵都可以選擇銀針粉，超難得同自己喺屋企煮嗰啲，真係差天共地😅仲要好彩揀咗秘製黃金雞湯🫶🏼好好飲！一啲都唔油膩一路飲湯，一路食到滑滑嘅銀針粉係超級正！