妖怪 (已結業)

見到呢間餐廳嘅雞白湯，竟然有得以涮涮鍋嘅方式享用咁新奇有趣🤣 第二日就嚟咗呢度試下喇😝呢個餐叫做濃厚雞白湯套餐—雞腿肉套餐🍗，而佢嘅火鍋配料有豆腐、冬菇等菇類同埋娃娃菜等蔬菜類，健康得嚟仲飽肚感十足！飲一啖雞白湯，濃厚回甘唔膩口👏🏻👍🏻 豐富嘅層次令人入口即刻上癮，只會一啖接住一啖咁飲！🐔經過長時間熬煮嘅雞白湯呈乳白色，香醇嘅雞湯香氣比起平時食開嘅豚骨湯嚟得清爽，能夠飲到咁溫暖嘅雞白湯實在令人感動🥹❤️ 雞腿肉肉質鬆厚，雞味爆曬出嚟💦 冬菇吸附飽滿湯汁後口感更加嫩滑，味道更加鮮香～