暖心芝作

營業中

休息中

一直以來都聽過呢間舖頭既芝麻雪糕好出名～今次終於有時間嚟朝聖! 去到門口真係好多人排隊~ 舖頭係外賣店嚟嘅, 有好多黑芝麻嘅副產品，例如芝麻糊, 芝麻綠豆沙, 芝麻卷等等!黑芝麻軟雪糕黑芝麻味道好濃郁, 好香口, 雪糕口感好滑, 好好味😋而且冇因為人多雪糕質地有未成型嘅情況~黑芝麻豆漿(有糖)本身以為有糖會好甜, 但係原來佢係用黑糖, 飲落去只係微甜, 感覺幾健康! 都幾重黑芝麻味, 飲落去有啲芝麻蓉嘅感覺~雪梨燉檸檬茶感覺好滋潤, 唔會太甜, 呢個天氣飲幾啱!下次要試吓個黑芝麻布甸嗰啲先得~