影片
更多
2024-06-24
52 瀏覽
為咗報答朋友幫我喺日本拎咗支香港冇得買嘅酒返嚟，今晚同佢食餐勁嘅。要就返去住屯門，所以我哋喺返屯門呢度搵咗間日式燒肉，貼合返個主題。首先，我想講吓呢一個菠蘿牛胸腹肉真係好浮誇，佢有兩大片胸腹肉，口感會比較腍啲，就算你燒嘢食嘅技巧有幾差都好佢都唔會老。佢真係成個菠蘿切晒俾你，然後個菠蘿真係超級Juice勁多汁，又勁甜。最後用嚟做甜品係一流，輕輕燒到佢乾身就食得，超開心。另外我哋仲叫咗個封門柳，封門柳個口感會實身啲，但係就牛味再重少少，原條上咁你自己燒自己剪，想幾大嚿都冇問題。佢底下仲佔咗隻超大嘅啡菇，不過因為post相有限擺唔到上嚟俾大家睇啦。另外我哋叫咗個香蔥牛舌，佢呢個牛舌係勁厚切，然後中間讓啲香蔥落去，好香蔥味。不過因為佢厚切嘅關係建議要燒耐少少。牛舌芯真係冇得輸，厚切嘅口感，夠晒豐富又能夠腍。另外仲有個鹽燒牛小排，佢個油脂分布都好靚，如果鍾意食啲腍啲又滿口油脂香味嘅人就啱晒。然後仲叫咗兩隻蒜蓉生蠔，真係落咗超多牛油同埋蒜蓉，所以成隻燒生蠔浸完出嚟超級香。多咗出嚟嘅牛油，我哋仲用嚟燒吓菇燒吓粟米添。然後我哋驚唔夠飽，仲叫咗個豚雞便當定食，呢個便當對我嚟講嘅精髓係隻蛋，因為佢係橙色蛋
首先，我想講吓呢一個菠蘿牛胸腹肉真係好浮誇，佢有兩大片胸腹肉，口感會比較腍啲，就算你燒嘢食嘅技巧有幾差都好佢都唔會老。
佢真係成個菠蘿切晒俾你，然後個菠蘿真係超級Juice勁多汁，又勁甜。
最後用嚟做甜品係一流，輕輕燒到佢乾身就食得，超開心。
另外我哋仲叫咗個封門柳，封門柳個口感會實身啲，但係就牛味再重少少，原條上咁你自己燒自己剪，想幾大嚿都冇問題。佢底下仲佔咗隻超大嘅啡菇，不過因為post相有限擺唔到上嚟俾大家睇啦。
另外我哋叫咗個香蔥牛舌，佢呢個牛舌係勁厚切，然後中間讓啲香蔥落去，好香蔥味。不過因為佢厚切嘅關係建議要燒耐少少。牛舌芯真係冇得輸，厚切嘅口感，夠晒豐富又能夠腍。
另外仲有個鹽燒牛小排，佢個油脂分布都好靚，如果鍾意食啲腍啲又滿口油脂香味嘅人就啱晒。
然後仲叫咗兩隻蒜蓉生蠔，真係落咗超多牛油同埋蒜蓉，所以成隻燒生蠔浸完出嚟超級香。多咗出嚟嘅牛油，我哋仲用嚟燒吓菇燒吓粟米添。
然後我哋驚唔夠飽，仲叫咗個豚雞便當定食，呢個便當對我嚟講嘅精髓係隻蛋，因為佢係橙色蛋黃架，撈飯超級正。成個定食仲有四個前菜跟咗，如果一個人嚟食嘅話就咁都應該夠飽。佢啲雞肉同埋豚肉都燒到啱啱好，唔使等，即刻有得食。
然後佢跟嘅湯唔係普通嘅麵豉湯，而係牛肉煲海帶，所以個湯好濃香嘅牛肉味，超級正。
飲品方面，我哋試咗佢個蜜瓜益力多綠茶，一上到嚟我賣相都好吸引，個蜜瓜味都好出，但係飲落又唔會太甜，味道啱啱。
另外值得一提嘅係佢呢度會有一個沙律菜跟咗，係無限任添嘅，啱晒淨係食肉嘅朋友可以解膩。
兩個人叫咗咁多咁浮誇咁靚嘅嘢食，最重要係又好食又夠飽，咁嘅價錢為咗報答恩人差唔多啦。
張貼
