Good Times Restaurant And Bar (已結業)

平時好少去粉嶺，呢日去完壁畫村，就決定搭小巴嚟聯和墟呢度睇吓有咩好嘢食。見到呢間Good Times Restaurant and Bar有好多人食，就決定試吓啦。佢個鋪位好闊落，樓底夠高，兩邊都有個大螢幕，夜晚可以一邊飲酒食小食，一邊睇波，應該好正，晏晝嚟嘅話就有好多款lunch set揀。Lunch set可以免費揀餐湯或者沙律，我哋一人要咗一款。餐湯係蕃茄濃湯，以為會似羅宋湯，但原來係好creamy嘅濃湯，有好香番茄味，一啲都唔酸，好開胃。沙律嘅材料好豐富，除咗有沙律菜，仲有蟹籽、蟹柳同埋蕃茄仔，全部都好新鮮，同佢用嘅麻醬好夾。之後我哋就share兩個主菜。香煎羊髀扒伴黑松露薯蓉及青瓜乳酪汁好少見lunch會有得食羊，所以見到就即刻決定要嗌呢樣。羊脾扒都幾大份，一上枱就聞到好香嘅羊味，食落好林好多汁。店員特登介紹咗佢個青瓜乳酪汁，因為佢個汁好清新，同嗰羊嘅味真係好夾。個人都好中意佢嘅黑松露薯蓉，有好香黑松露味，但食落又唔會話太濃味，真係好正。竹炭藍芝士煙肉安格斯牛漢堡配薯條漢堡包嘅size都幾大，藍芝士、煙肉同埋牛漢堡嘅配搭好好，牛漢堡好厚身，切開就見到佢好多汁勁juicy。重點