金龍冰室。 川湘菜

營業中

休息中

同朋友去大埔，踩完單車，做完運動當然要去食返餐飽補充下體力啦！知係咪做完運動？所以我哋都好想食啲刺激嘅嘢！農家小炒肉$92清爽鮮美農家小炒肉，呢道菜唔辣嘅，唔食得辣嘅朋友都食得！呢道菜嘅主要材料係青辣椒同埋豬腩片，青辣椒非常爽口鮮甜，好鍾意呢個有埋豬皮嘅豬腩肉，呢道菜冇叫錯。避風塘魷魚鬚$128鮮甜嘅魷魚，超脆的脆漿包住一條條彈牙嘅魷魚鬚，本身已經好香口嘅魷魚鬚，仲要用避風塘嘅炒法去炒，香味加蒜味等如超惹味！金龍招牌酸菜魚$178酸菜魚，係今餐嘅重頭戲，啖啖肉嘅無骨魚片，新鮮爽口又鮮甜。金黃色嘅湯底極之吸引，湯底充滿着酸菜味同魚片嘅鮮甜味，飲落去啖啖精華，滋味係口到不停打轉！