味火鍋 (雅仕洋樓)

天氣凍就想打邊爐，朋友岩由外國返黎要相聚，呢間最長可以食足7小時😳岩哂我哋可以慢慢食慢慢傾。不過餐廳太受歡迎，需要準備多啲時間去等位🧀頭盤有五款可以揀，我哋揀芝士焗波士頓龍蝦，芝士夠香，龍蝦新鮮有口感，啖啖肉🥘湯底揀四川麻辣鴨血同養生牛肝菌湯鍋，麻辣鍋麻香，牛肝菌有淡淡既藥材味，湯底濃郁，中間有一個清湯🦐時令海鮮拼盤和牛魔王美國安格貼牛肉拼盤就一次性，海鮮樣樣都好新鮮，鮑魚爽口、蝦鮮甜大隻，自家制手打丸夠彈牙。手切牛小排、牛肩胛、牛板鍵一樣肥瘦均勻👍🏻之後可以任食其他火鍋配料：蔬菜、雜丸等等，推薦松露香菇貢丸，香松露味又彈牙汽水、啤酒、紙盒飲品、罐裝茶都係任飲。最後仲有Movenpick 雪糕食😍唔限時所有野都可以慢慢食慢慢飲，真係好滿足☺️