爆丼屋 (已搬遷) 新店位置

之前見到有人post 過相，已經好想去試，今日就揀咗megabox 哩間，因為這個商場星期一至五17:00後消費滿$100，可免費泊車6小時（真係超底）。入到店後見到餐牌上嗰個牛肉山，冇理由唔揀佢，跟住本人喜歡拖羅，咁就試試佢啦！黎到重發現佢平日生啤一送一（超值），牛肉飯的牛肉係用慢煮方法，每一片都唔會硬，加埋燒汁蛋黃一齊撈埋啲飯食👍🏻👍🏻，跟住個拖羅飯魚生飯，圍滿鮮味嘅蟹肉（正），拖羅唔係入口即浴嗰隻，但佢都有番拖羅魚油嘅味道，海膽加番少少豉油嗰種海膽鮮味出晒嚟，佢啲壽司飯係一粒粒，粒粒分明👍🏻，每個飯都會送一個麵豉湯，我食完個飯已經好飽，佢仲有好多小食可以選擇，魚生飯實在太多選擇了，我要下次再嚟試其他飯。