影片
更多
2024-10-23
362 瀏覽
十一假期同朋友去尖沙咀行街，記得厚福街藍馬有幾間Cafe同埋餐廳，就揀咗鮨一試吓。「梅」、「蘭」刺身杯 $158 each今次試咗「梅」同埋「蘭」兩款刺身杯，感覺都好澎湃！梅以蝦同蟹做主題，蟹肉、蟹鉗、赤蝦上面加上魚子醬同蟹籽做點綴，蘭就用吞拿魚蓉撈埋蝦肉、三文魚籽做底，上面加上白身魚，仲有加咗金箔嘅海膽！成件事真係好奢侈🤣🤣🤣我最欣賞係佢個醋飯，唔係一般普通壽司白飯，而係已經加咗醬油嘅醋飯，個味道調校得幾好。白子刺身 $148日本鮟鱇魚肝 $84人生第一次食白子刺身同鮟鱇魚肝，本身都驚會好腥，但係食落覺得幾清爽彈牙，完全冇想像中以為會好滑潺潺嘅感覺，我諗我下次都會再試～鹽燒雞中翼（四隻） $52辣酒煮廣島蠔 $88食咗咁多刺身，同朋友都叫咗啲熟食暖一暖個胃，鹽燒雞翼燒得比較乾身脆口，幾啱我口味，辣酒煮廣島蠔比我想像中辣少少，個甜味同辣係平衡到，個蠔都幾大隻，索咗啲湯汁好入味，最欣賞係佢個蘿蔔真係炆得好腍🍲🍲🍲
十一假期同朋友去尖沙咀行街，記得厚福街藍馬有幾間Cafe同埋餐廳，就揀咗鮨一試吓。
「梅」、「蘭」刺身杯 $158 each
今次試咗「梅」同埋「蘭」兩款刺身杯，感覺都好澎湃！梅以蝦同蟹做主題，蟹肉、蟹鉗、赤蝦上面加上魚子醬同蟹籽做點綴，蘭就用吞拿魚蓉撈埋蝦肉、三文魚籽做底，上面加上白身魚，仲有加咗金箔嘅海膽！成件事真係好奢侈🤣🤣🤣我最欣賞係佢個醋飯，唔係一般普通壽司白飯，而係已經加咗醬油嘅醋飯，個味道調校得幾好。
白子刺身 $148
日本鮟鱇魚肝 $84
人生第一次食白子刺身同鮟鱇魚肝，本身都驚會好腥，但係食落覺得幾清爽彈牙，完全冇想像中以為會好滑潺潺嘅感覺，我諗我下次都會再試～
鹽燒雞中翼（四隻） $52
辣酒煮廣島蠔 $88
食咗咁多刺身，同朋友都叫咗啲熟食暖一暖個胃，鹽燒雞翼燒得比較乾身脆口，幾啱我口味，辣酒煮廣島蠔比我想像中辣少少，個甜味同辣係平衡到，個蠔都幾大隻，索咗啲湯汁好入味，最欣賞係佢個蘿蔔真係炆得好腍🍲🍲🍲
張貼
