影片
更多
2020-10-05
359 瀏覽
🉑：外賣自取 | Openrice 自取| app⭐評分: 8.5/10———————————————發現一間真。隱世高質台菜！忍唔住打個長post比佢，大家嚟試唔可以錯過豬軟骨湯麵！——————————————————▪午餐：台南魯肉飯 ( $58 )▪ 午餐：12小時慢煮豬軟骨牛骨湯麵 ($67)▪️ 跟餐：芒果蜜桃特飲 (免費) 檸檬愛玉 (+$18)係長沙灣巷仔嘅小店！(💛：2月初新張，527曾罷工，不過無上黃藍地圖～ ) 午市有特價餐，外賣自取仲有”$25魯肉飯+飲品set”。舖頭唔算大，但坐位唔迫狹，裝修幾有台灣文青感覺。下午茶有蛋餅食，不過我驚唔夠飽😹 所以就食午市set 牛骨湯麵不得了！啲麵望落平平無奇，餐廳亦無特別注明係「手工麵」，但係咬落好煙靭，超有咬口，好似食緊手工意粉咁！麵條帶點凹凸不平，故非常掛湯，真係勁好食⋯⋯個湯望落啡啡哋，其實係清澈，不過湯面帶一圈圈好似老火湯咁嘅油脂，飲落我隻眼係 👉🏻🤩！好濃好濃好濃！甜得嚟唔heavy，唔會肥膩，帶點米酒香，一路食我同朋友都不停𢳂嚟當湯飲！濃味嘢唔會完全唔洗飲水，但絕對無超頸渴嗰種反應！兩大舊蘿蔔都好清甜好淋
🉑：外賣自取 | Openrice 自取| app
⭐評分: 8.5/10
———————————————
發現一間真。隱世高質台菜！忍唔住打個長post比佢，大家嚟試唔可以錯過豬軟骨湯麵！
——————————————————
▪午餐：台南魯肉飯 ( $58 )
▪ 午餐：12小時慢煮豬軟骨牛骨湯麵 ($67)
▪️ 跟餐：芒果蜜桃特飲 (免費) 檸檬愛玉 (+$18)
係長沙灣巷仔嘅小店！(💛：2月初新張，527曾罷工，不過無上黃藍地圖～ ) 午市有特價餐，外賣自取仲有”$25魯肉飯+飲品set”。舖頭唔算大，但坐位唔迫狹，裝修幾有台灣文青感覺。下午茶有蛋餅食，不過我驚唔夠飽😹 所以就食午市set
牛骨湯麵不得了！啲麵望落平平無奇，餐廳亦無特別注明係「手工麵」，但係咬落好煙靭，超有咬口，好似食緊手工意粉咁！麵條帶點凹凸不平，故非常掛湯，真係勁好食⋯⋯
個湯望落啡啡哋，其實係清澈，不過湯面帶一圈圈好似老火湯咁嘅油脂，飲落我隻眼係 👉🏻🤩！
好濃好濃好濃！甜得嚟唔heavy，唔會肥膩，帶點米酒香，一路食我同朋友都不停𢳂嚟當湯飲！濃味嘢唔會完全唔洗飲水，但絕對無超頸渴嗰種反應！
兩大舊蘿蔔都好清甜好淋，呀婆都咬到😭痴撚線係勁完美嘅滷蘿蔔！豬軟骨亦有兩塊，炆到好軟稔入味，軟骨變成充滿膠質嘅啫喱物體，肉嘅部分唔會過乾 👍🏻
魯肉飯甜甜地，肥瘦相間，夠撈匀碗飯有餘👍🏻半肥瘦豬肉係口中化開係無得頂，當然未去到台灣魯肉加埋豬皮嗰種充滿膠質，食到個嘴會令立立咁🤣 另一敗筆位係無用珍珠米，泰國米始終細長、無咁有咬口，唔係幾夾。
小菜有三款，包括青瓜、雲耳同雜菇，三樣都正常無特別，涼拌來講冇預期中嘅酸辣感覺，係跟餐送埋無理由唔要嘅質素。
嘢飲都幾正，嗌左杯檸檬愛玉，絕對及得上清玉嗰杯😍 ！
✨ 巷·弄 ✨
📍 長沙灣順寧道26號康福樓地下4號舖
⏰0900-2200
張貼
