一本食堂

營業中

休息中

一直都知道觀塘好多好嘢食，但係好多都係工廈度，如果唔識人嘅話完全唔知邊度好食，朋友介紹呢間火鍋放題好吸引性價比好高，咁就一於今日嚟試吓啦。呢個花膠雞火鍋真係好吸引，一拎過嚟已經見到個雞肉好嫩滑，而且花膠湯好香，拎嚟飲都好好飲。試咗一嚿雞，真係好嫩滑，而且煲咗一陣，花膠味仍然好香，花膠都好大嚿。值得一讚嘅係呢度嘅牛肉，因為唔會因為係任食而比劣質嘅牛肉，牛肉非常高質，食落牛味好重，而且好大塊。海鮮都係一大亮點，生蠔非常大隻，而且食落好新鮮，真係好吸引。而且呢度出面仲可以拎好多唔同嘅火鍋配料，如果我自己覺得佢嘅丸嘅種類好多，最值得一讚眼鏡就係海膽丸，食落非常新鮮同埋足料。而且呢度除咗有啤酒汽水飲之外，另外仲有唔同嘅冷泡茶，方便消滯。食飽之後仲可以食雪糕，呢度有好特別嘅榴槤雪糕，我都忍唔住食咗兩杯啊。呢間餐廳又平又抵食，而且位置好好坐，以後都一定會再嚟啊。