三田製麵所 (金朝陽中心二期 - Midtown)

營業中

休息中

我哋大約9:30pm先到餐廳門口，好彩唔需要排隊，咁啱有一張枱，所以好快就到我哋啦～ 我已經第三次食啦，照舊食返沾麵，唔辣，大麵。三田會有大、中、小麵底份量嘅選擇，唔需要額外加錢。另外，我地仲加$12叫多一份糖心蛋唔好睇小唔洗加錢嘅大麵，到最後我同男朋友都食唔哂啊，所以大家可以唔洗加錢要份加大麵了～我本人好鐘意沾麵嘅汁，佢偏鹹但好濃郁嘅，而且配料好足，仲有一塊好大嘅叉燒添！不過始終食到最後太鹹了，要飲返兩杯水先啱啱好！