LeTAO (已結業)

之前係日本已經食過呢一間芝士蛋糕專門店，雖然香港店比日本貴一倍，但係味道都真係好唔錯。之前食過都令我好懷念，所以我都忍唔住買咗個。😘香港好似有兩間分店，一間喺九龍站，一間係中環。所以今次放工就買咗一個返去。蛋糕唔算大，但要＄220 一個，可以講都幾貴。但係芝士味超級香濃，包裝亦好好，有冰袋好好保存。職員會好細心咁講解點樣食法，食之前要喺雪櫃攞出黎兩至三個鐘作解凍，咁樣食落去先會軟滑。另外佢都有朱古力芝士蛋糕，兩層的夾心令我覺得好吸引，仲有一啲蛋捲，下次我會逐一試晒佢哋。