BnR (已結業)

BnR今次要介紹荃灣一間好紅叫「BnR」嘅無味精湯麵店，佢哋以有益藥膳湯底同新鮮食材聞名，唔同一般米線店咁，佢哋可以有得轉淮山麵/河粉或泡飯！呢間湯麵店門口係有一級，又要出動我塊斜板嘅時候，一入到去見到近門口高處放咗5大隻BE@RBRICK，入面位同位之間唔算好逼，只要有塊斜板嘅話，輪椅人士入去食野唔係問題！1.胡椒豬肚雞泡飯$68（8.5/10）呢碗胡椒豬肚雞泡飯個胡椒味唔算重，泡飯索哂濃雞湯，入口濃稠，雞味濃郁，不油不膩，口感順滑。配料都唔少，有7舊嫩滑唔韌嘅雞件、6舊好彈牙嘅豬肚、1條油炸鬼、約十舊木耳同4舊切開咗嘅粟米條！2.冬陰功海鮮米線$68（9/10）呢碗冬陰功海鮮米線只有極小辣，冬陰功味好小，淡淡酸酸辣辣，米線夠彈牙，配料都唔少，有2條墨魚卷、1條油炸鬼、3大隻蝦、3舊魷魚圈、3舊蕃茄肉、芫荽、洋蔥同蔥等！3.炸蜜瓜奶$48（10/10）炸鮮奶就食得多，呢碟炸蜜瓜奶幾特別，炸得好酥脆，入面熱辣辣，淡淡蜜瓜奶味，好似飲緊陽光蜜瓜豆奶咁，一碟有4舊！4.凍咖啡$24（8/10）呢杯凍咖啡多咗少少奶，咖啡唔夠香濃！2人總共價錢$208個人口味總評分：8.875/10地址：荃灣