金鶴拉麵 (九龍城道) (已結業)

見到啲相好吸引所以都黎是一試。又想食拉麵又想食小食，叫咗佢個套餐。一個要咗香濃雞白湯拉麵，佢個炸筍好特別幾脆口，雞湯超濃，帶點鮮甜，配搭幼身拉麵，每一啖啲濃湯都包住每一條拉麵，啖啖濃郁雞湯，超正☺️配料仲有一舊慢煮雞胸，完全唔覺係雞胸有種入口即溶嘅感覺。下次會想試吓佢唔係特濃版應該會清啲🤔另外我哋都叫咗個沾麵嚟試下，沾麵量超多，個沾麵湯會比較濃味少少，拉麵較粗身，有咬口。個人鐘意食湯麵多d😁小食方面，呢度嘅唐楊炸雞真係必食，炸得啱啱好，雞肉幼嫩，外脆內軟，鎖住雞肉嘅肉質，絕對值得一試☺️