Oldish (已結業)

今日阿sir請食飯，帶左我去呢間餐廳，一出電梯就覺得好似幾高級咁一睇到個餐牌就嘩出一聲，貴唔在講，無咩令人有驚喜事大，係揀咗好耐下， 就無奈叫咗個帶子通粉……一嚟先上碗微暖既甘筍湯，味道不俗，飲得出用料十足，但就飲唔出有甘筍味，反而口感似南瓜滿心期待既主菜嚟喇！一食就完全出事，帶子完全無味，個忌廉超淡，通粉又有啲硬，真係完全唔掂，於是我就勁加黑胡椒，點之都係無咩味，我係好辛苦咁食咗三分一後真係預唔順，再有人請我食都唔會再嚟，真係太差！