羊蹄山

營業中

休息中

留意咗呢間餐廳好耐，超特別最主要係sell北海道羊肉燒烤，供應超過10個部位的烤羊肉，羊肉控一定要過嚟食✨店員超好會詳細介紹同幫手烤肉🤭一坐總會有前菜沙律淡露島洋蔥用紫蘇葉同醬汁調味，洋蔥一啲都唔辣好甜，醬汁加蒜蓉同辣椒碎點嚟食，仲要同羊肉好夾🫧☀️羊頸柳羊羶味比較淡，肉質夠淋，配埋洋蔥一齊食係Perfect。🤩羊臀肉羊肉味比較濃，只係點海鹽已經好好食。💫羊漢堡扒大推✨伊比利亞羊撈軟骨，上面加cream cheese同開心果碎增加口感，煮到七成熟，而且非常juicy。🐑羊蹄山羊肉湯大推✨用咗¼隻羊煲湯，入面有洋蔥、蘿蔔同羊肉，超級清甜濃郁又唔羶，我覺得如果放烏冬食會超級正。🌸炸羊腩骨半肥瘦肉炸得香脆，調味比較濃。🥟自家製羊肉餃子夠juicy，入面充滿羊肉同埋羊脂香。🍛羊蹄山羊肉咖哩飯咖喱偏甜，入面有滿滿嘅羊肉絲。有一個用上世界其中最辣嘅辣椒去造嘅辣椒粉可以加，我自己就加少少，令到咖喱味道層次增加，辣味有後勁同埋會留喺舌頭一陣。