影片
更多
2016-01-09
3413 瀏覽
同朋友約左去睇戲，時間尚早，見呢間係the l square 既韓燒五點呢round 有八折，仲有生蠔食，就二話不說衝左入去。呢間餐廳都幾有規模喎，九樓同十樓都係佢既，檯與檯之間距離又夠闊，傾心事都唔怕俾人聽到啦。我地係十樓見到仲有間獨立房，下次同朋友慶祝生日可以包起間房，食得更自在。 記得之前睇星期日檔案，有到澳洲working holiday 的女生表示係香港好少餐廳肯搵人畫牆。但呢度牆上既畫應該係人手畫，靚得黎又好配合餐廳風格。 加多幾十蚊就有和牛同海鮮食喎，我地咁為食，梗係要埋啦！呢個拼盤正名叫和牛海鮮盛，我就叫佢做啖啖肉聯合國，哈哈哈。因為拼盤內既食材黎自世界各地，有南非鮑魚，澳洲和牛，沙巴虎蝦，北海道元貝，仲有象物蚌（哈哈，唔記得左佢係邊度黎喇）有新鮮靚食材都要有好廚師先得既，呢度老闆就夠晒明白我呢啲只識叮野既現代人，體貼地俾我地選擇自己燒定餐廳代燒。為免暴殄天物，我地緊係揀代燒啦。仲可以把握時間燒多啲野食添。大大隻南非鮑魚，彈牙有𡁻頭，但又唔會咬到牙較軟。 帆立貝very juicy,加少少鹽就夠晒。手指公咁大隻隻象物蚌呢埋左，oishi👍🏻👍🏻👍🏻😎 手
呢間餐廳都幾有規模喎，九樓同十樓都係佢既，檯與檯之間距離又夠闊，傾心事都唔怕俾人聽到啦。我地係十樓見到仲有間獨立房，下次同朋友慶祝生日可以包起間房，食得更自在。
記得之前睇星期日檔案，有到澳洲working holiday 的女生表示係香港好少餐廳肯搵人畫牆。但呢度牆上既畫應該係人手畫，靚得黎又好配合餐廳風格。
加多幾十蚊就有和牛同海鮮食喎，我地咁為食，梗係要埋啦！呢個拼盤正名叫和牛海鮮盛，我就叫佢做啖啖肉聯合國，哈哈哈。因為拼盤內既食材黎自世界各地，有南非鮑魚，澳洲和牛，沙巴虎蝦，北海道元貝，仲有象物蚌（哈哈，唔記得左佢係邊度黎喇）
和牛海鮮盛
$88
156 瀏覽
1 讚好
0 留言
大大隻南非鮑魚，彈牙有𡁻頭，但又唔會咬到牙較軟。
帆立貝very juicy,加少少鹽就夠晒。
手指公咁大隻隻象物蚌呢埋左，oishi👍🏻👍🏻👍🏻😎
手臂咁長沙巴虎蝦，碌完殼加啲七味粉，啖啖肉
活水產加燒生蠔，係火山燒食放題想回本冇難度！
食完海鮮梗係食肉啦！牛肉夠新鮮，其實只加海鹽同胡椒，我覺得夠晒味啦。但有玫瑰蜜汁喎，梗係落埋啦！
太心急既錯誤示範，一次過將所有野放晒係個爐上面。其實最左係燒貝殼類，中間係燒串燒或肉，最左係用黎保暖。（所以最右邊爐上既肉搞左好耐都未燒熟）「😛好彩staff有細心講解咋」
埋單三百幾一個人。呢個價錢去city super 買塊靚啲既牛排都止係緊緊夠，但黎火山燒唔止有和牛，仲有海鮮，生蠔。性價比👍🏻👍🏻👍🏻🤓
張貼
