影片
更多
2016-09-26
7206 瀏覽
話說我地要搵地方食飯慶祝幾個壽星仔女，頭痕緊有邊到可以容納到我地12、3人，當中仲要有兩位兩歲以下嘅小魔星，之後喺網上見到有媽媽推介呢間餐廳，一問之下原來要好早訂定位，我地人又多，餐廳個期係非常full，夾日子都搞左好耐，早一個月預約係最基本。同埋餐廳話為左可以預到食材，每位人頭計係要落$100訂金，三歲以下可以唔駛訂餐，如果要訂餐都係要比訂金。(我覺得其實係保障D人唔會話訂位又唔到，佢地失預算。)一去到老闆會幫我地每一個人探熱，恐防會細菌傳播，然後每人都派一件好可愛嘅即棄圍巾，現場有供應嬰兒座位比小朋友，食得好放心，每上一道食品老闆都不厭其煩非常詳細講解要點去煮，即使我地人多佔左兩張枱，佢都會講兩次。所有食材可以講真係非常新鮮，連個飯都好好食，個飯都可以添食，真係食得出老闆果份心機多過要賺錢，而且當晚訂左枱就唔會再入客，老闆更加可以專注服務當晚嘅客人，唔駛驚要趕頭趕命走。我地開頭擔心會唔會唔夠食，因為同行有好多男士，但原來實質係會捧著肚走，唔會餓住肚離開，飲品任飲又一貼心，小朋友有果汁飲唔駛飲汽水。整個過程完全冇油冇煙，食得好健康，小朋友耐性有限，食食下要玩都隨時可以去遊戲室到玩，年
同埋餐廳話為左可以預到食材，每位人頭計係要落$100訂金，三歲以下可以唔駛訂餐，如果要訂餐都係要比訂金。(我覺得其實係保障D人唔會話訂位又唔到，佢地失預算。)
一去到老闆會幫我地每一個人探熱，恐防會細菌傳播，然後每人都派一件好可愛嘅即棄圍巾，現場有供應嬰兒座位比小朋友，食得好放心，每上一道食品老闆都不厭其煩非常詳細講解要點去煮，即使我地人多佔左兩張枱，佢都會講兩次。
所有食材可以講真係非常新鮮，連個飯都好好食，個飯都可以添食，真係食得出老闆果份心機多過要賺錢，而且當晚訂左枱就唔會再入客，老闆更加可以專注服務當晚嘅客人，唔駛驚要趕頭趕命走。我地開頭擔心會唔會唔夠食，因為同行有好多男士，但原來實質係會捧著肚走，唔會餓住肚離開，飲品任飲又一貼心，小朋友有果汁飲唔駛飲汽水。
整個過程完全冇油冇煙，食得好健康，小朋友耐性有限，食食下要玩都隨時可以去遊戲室到玩，年紀細嘅小朋友最好有家長陪同啦，年紀大小小嘅係可以好放心比佢自己喺入面玩，出面進食區係有部電視影住入面情況。遊戲室入面設備都齊全，有圖書、搖馬、車仔、波波池、波波噴射器、滑梯、公仔等，應有盡有。
我地最終都盡慶到11點先走，如果間餐廳可以擴充大D，人手多D，就真係會更好。
張貼
