影片
更多
2016-11-13
2021 瀏覽
琴日係我同老公紀念日，我老公帶咗我去食一間高級西餐廳，當係比驚喜我。就係去咗食Penthouse一去到，已經被嗰度環境吸引着，由於餐廳係30樓，望出去個景好靚，好好氣氛，絕對適合情侶去慶祝紀念日或生日或一些特別日子。一去到坐低，服務員會過嚟同你講呢度有咩值得一試，於是我同我老公就叫左三樣野，同兩杯飲品。因為我同我老公好少去呢啲高級餐廳食飯，所以叫嘅都係呢間餐廳嘅招牌菜！叫完一陣，服務員會攞一啲麵包俾你地作為前菜，個麵包外脆內軟，本身已經好好食，再加上佢配埋個醬汁，搽上麵包到係一個好好嘅配搭！我哋叫咗一個前菜，叫做Crab Cake,起初以為普普通通好似煎薯餅加少少蟹肉咁，但食落完全唔係嗰回事，入面基本上啖啖都係蟹肉，唔會得少少，雖然佢另外配左三種醬汁俾你選擇，但個人認為唔點好食啲。有芒果醬，牛油果醬，仲有一種好似沙律醬咁。味道唔錯，啖啖肉！跟住我哋叫咗龍蝦食，隻龍蝦好好食，肉質好爽口彈牙，食落仲有少少海水鹹味。我哋初頭食龍蝦就咁食，冇點醬汁，之後服務員過嚟教我地要撈埋啲醬汁一齊食，撈埋醬汁一齊食，成件事唔同晒，龍蝦識落有醬汁味道，再帶少少海水鹹味，加龍蝦上面有少少香草，成碟餸又香又好味
一去到，已經被嗰度環境吸引着，由於餐廳係30樓，望出去個景好靚，好好氣氛，絕對適合情侶去慶祝紀念日或生日或一些特別日子。
一去到坐低，服務員會過嚟同你講呢度有咩值得一試，於是我同我老公就叫左三樣野，同兩杯飲品。因為我同我老公好少去呢啲高級餐廳食飯，所以叫嘅都係呢間餐廳嘅招牌菜！
叫完一陣，服務員會攞一啲麵包俾你地作為前菜，個麵包外脆內軟，本身已經好好食，再加上佢配埋個醬汁，搽上麵包到係一個好好嘅配搭！
我哋叫咗一個前菜，叫做Crab Cake,起初以為普普通通好似煎薯餅加少少蟹肉咁，但食落完全唔係嗰回事，入面基本上啖啖都係蟹肉，唔會得少少，雖然佢另外配左三種醬汁俾你選擇，但個人認為唔點好食啲。有芒果醬，牛油果醬，仲有一種好似沙律醬咁。味道唔錯，啖啖肉！
跟住我哋叫咗龍蝦食，隻龍蝦好好食，肉質好爽口彈牙，食落仲有少少海水鹹味。我哋初頭食龍蝦就咁食，冇點醬汁，之後服務員過嚟教我地要撈埋啲醬汁一齊食，撈埋醬汁一齊食，成件事唔同晒，龍蝦識落有醬汁味道，再帶少少海水鹹味，加龍蝦上面有少少香草，成碟餸又香又好味。
最後我哋嘅主菜終於黎到啦，就係牛扒塊牛扒又大又厚，雖然快牛扒又大又厚， 但食落一啲都唔難咬，唔會好似食緊口香糖一樣，我哋叫咗五至六成熟，雖然唔稱得上入口即溶，但食落塊牛扒好juicy,肉質鮮嫩，牛扒表面廚師整到有少少脆，感覺好似外脆內軟一樣，喺呢度必食！快牛扒仲有醬汁俾你配搭，加少許醬汁去牛扒度，更加帶出牛扒的味道！
我哋另外再叫多一個薯角配牛扒，個薯角係薯仔迷必食，熱辣辣，香口，再加上黑松露醬汁，非常好食！
順帶一提，呢間餐廳，每一味餸菜，佢都會根據你的進食程度而上菜，唔會一次過上晒，當你食完一道餸菜，隔三4分鐘，就會上第二度餸菜，全餸菜上枱時都係熱辣辣，唔會放到凍哂！
另外，佢哋個廁所好有feel,睇得出連廁所一啲細微位置，都用心去設計擺設，值得一讚雖然我哋今餐飯食左大約$1300，但我同我老公覺得非常值得，呢度個環境，食物質素，服務，都係非常好，特別係環境！雖然有少少貴，但特別日子，紀念等等，都可以去試，絕對適合二人世界的餐廳！
張貼
