匯味堂 (已結業)

近排又禁堂食幾個禮拜🤷🏻‍♂️對於啲火鍋/燒肉/串燒嘅黃店真係會好傷，大家一定要多多支持！有啲開晚市嘅小店都要開埋午市先叫做無咁蝕💸.1️⃣燒芥蘭苗（$20）同普通食開芥蘭嘅口感好唔同！佢啲菜嘅位燒得脆到好似紫菜咁，好新奇！加埋辣粉一流.2️⃣燒秋刀魚（$36）店主特登唔切開燒，為咗鎖住肉汁。一掰開就睇到皮脆肉鮮甜，唔會好乾（唔建議食埋魚肚因為好苦）.3️⃣生燒脆豬腩肉（$48）呢個係必食！佢脆嘅位唔喺皮，而喺骨！每一舊都燒得好香脆，一舊接一舊食唔停口！.4️⃣青提子煙肉卷（$38）口感幾得意，同埋好少聽提子攞去燒烤🤣.5️⃣蒜蓉生燒原條茄子（$42）好大條，刮極都有好多肉🍆滿足.6️⃣煙肉荔枝圈（$32）無諗過荔枝燒完係咁juicy同夾！好似飲緊有煙肉嘅荔枝玉露而成件事係好match！.7️⃣健力士黑啤燒羊扒（$72）好特別嘅係羊扒用咗啤酒燒，上枱時會聞到麥味，羊扒又燒得好羶好香.8️⃣燒健力士啤酒腸（$28）同上，有啲啤酒味之餘口感仲幾得意，有啲嘢咀嚼下🌭.9️⃣極上生燒饅魚飯（$388）見到價錢唔好嚇親住！佢用嘅饅魚係日本饅，即香港嘅「白鱔」，自身已經有好濃嘅鱔味，唔需要靠汁吊起，膠質感亦好重。店主都要花好多時間嚟煮