牛壹台食 (已結業)

同朋友經過見到呢間台灣菜，感覺好似新開，就行入去試吓。行入去冇乜客人，個職員已經話得45分鐘用膳時間，可能因為lunch time就嚟到。嗌咗兩杯嘢飲、兩個主食同一個甜不辣。嘢飲嚟先，分別係一杯珍珠奶茶，同一杯香芋珍珠奶茶珍珠奶茶冇乜茶味，又冇乜奶味，一般般杯香芋珍珠奶茶先係經典，超粉，係直頭飲到啲粉，我知你哋都應該係用香芋粉沖出嚟，但係都要攪勻咗先下話？呢個鹽酥雞第一啖食落去唔似係鹽酥雞嘅質地，因為好淋，淋到唔似雞肉，但係係好食嘅，只不過係唔似鹽酥雞姐，份量都足夠牛肉麵好似係佢哋嘅招牌，就一於試吓。但係一般般，湯底唔係好龍，牛肉又唔係話好好食，面係刀削麵，都OK嘅。但啲蕃茄係生嘅，下面又疊住一塊熟嘅蕃茄，奇奇怪怪。滷肉飯，滷肉份量都幾多，滷肉唔算好鹹，啲汁撈埋啲飯都好食。正正常常啦。呢個煎魚餅先係重頭戲，呀唔係⋯⋯係甜不辣。第一次食到香煎嘅甜不辣，食落去仲以為係煎魚餅。重點，係堅好食嘅，但係真係似魚餅多過甜不辣。暫時覺得咁多樣嘢入邊最好食嘅就係呢個煎魚餅。其他嘢真係麻麻，但係個煎魚餅（甜不辣）我真係好鍾意。如果第日經過我會為咗佢再入嚟食。