ATUM Restaurant (已結業)

以前有同朋友係「ATUM Restaurant」食過生日飯，知道呢間餐廳嘅下午茶茶點賣相好精緻，都對個下午茶心動咗好耐~呢日藉住一週年紀念日終於都去咗試~男朋友提前一個星期就book好咗位，當日4點去到幾乎都滿座~「ATUM Restaurant」位於尖沙咀K11，餐廳裝修有格調，室內佈置有藝術感~下午茶套餐$458，加一合共五百，包24粒甜鹹點拼盤，2個英式鬆餅，同埋2杯野飲。甜點鹹點拼盤——擺盤整齊乾淨，賣相都超精緻，猶如一件藝術品，打卡一流！味道方面個人覺得鹹點整體味道都唔錯，未去到話好好食好有驚喜，但都不過不失。甜點方面就有少少失望，甜點整體味道都係偏甜，而我同男朋友都唔係太鐘意食太甜嘅野，所以馬卡龍呢類甜點唔係太適合我哋。飲品方面——有各式咖啡、茶、mocktail、cocktail任君選擇，男朋友就揀咗杯青瓜·薄荷·青檸梳打，味道唔錯，好清爽！而富有試伏精神嘅我就盲點咗杯推介飲品，原來係杯椰子咖啡，味道都ok，咖啡味較淡，同埋稍甜咗少少~整體來講，食物賣相好精緻，味道一般，如果係節日或者紀念日去打打卡係一個唔錯嘅選擇~🧡下午茶Set（$458）🧡青瓜·薄荷·青檸梳打🧡推介飲