Oliver's Super Sandwiches (新鴻基中心)

營業中

休息中

星期日咁啱離開灣仔呢頭，好多餐廳，冇開唔知食咩好，見到Super sandwich，記得先前喺機場食過都OK，所以就揀咗呢間。我個女叫咗個雞胸螺絲粉，呢個螺絲粉配有茄汁，味道都OK啦。但係啲雞胸就太乾太嚡，我個女唔肯食，我自己都唔肯食，基本上啲雞胸嘥咗。我自己就叫咗個三文魚焗薯，個焗薯好好味，而且焗薯係平時會比較少食嘅嘢，所以就特登叫咗呢個，好彩個焗薯都幾好味，唔係就會有啲失望，因為個螺絲粉真係唔係幾好味。我同我老婆都係咗咖啡飲，而呢個價錢嚟講有呢杯咖啡飲，性價比都算OK。佢啲枱燈感覺上就比較污糟，可能因為唔夠人手，佢哋求其mark兩下就算啦。