滿泰小廚

營業中

休息中

西貢市條巷仔咁多泰式食肆，千揀萬揀...揀著個爛燈盞 ！當日去到點咗兩碟 ：香草辣椒肉碎炒河同埋 蝦膏炒雜菜。 首先 佢上錯菜。攞咗碟唔知乜嘢牛肉炒河上嚟 。我老婆唔知, 食咗少少, 我發覺唔對路，叫佢埋黎睇睇，佢即刻攞走 ！好了，之後真係攞咗碟 肉碎炒河上嚟 …但河粉完全冇味， 一味得個辣字！ 所謂肉碎，其實係切碎一條條嘅牛肉！ 之後上埋蝦膏炒雜菜 ，仲‘衰，我完全食唔到蝦膏味囉！ 同普通雜菜加泰式醬炒冇乜分別。 兩碟嘢加埋一百四十元(假日每碟加一元) 貴都唔緊要，但最慘唔好食！ 呢類咁既食肆 只能夠開在遊客區 。因為佢預咗人哋只係幫襯一次！咁嘅質素 係絶對唔會有人返轉頭再食！