鮨川 (已結業)

寫呢篇食評嘅原因係唔想其他人好似我咁，睇到overall食評差唔多一面倒好評而中伏。我好鍾意食嘢，亦食過好多omakase，我真心講呢間嘅lunch omakase (盛惠$638一位）質素之低完全不能接受。食前菜時已經心感不妙，凍的燉蛋感覺上冷凍多時，好硬，上面放嘅配菜用料亦非常一般。煮物是一團椰菜卷，冇乜味，浸在汁裏零丁的蟹肉碎也不像是新鮮的，給人感覺成本甚低。刺身一點也不高質，唯一是五至六件看來十分微型的壽司是ok的。甜品是雪得很硬，亦一點也不好吃的桃mousse。再加上侍應們冷膜的眼神及招呼...咁嘅質素都叫做omakase仲收人咁嘅價錢，真係太過份。