樸生 (已結業)

預約為生日慶祝的，到了問有什麼生日優惠，侍應們不清楚，叫經理來，那位恐神惡煞的經理同我地講生日優惠要兩日前比訂金$200 ，先會有一個所謂嘅魚生飯，如果冇預訂依家可以比$100先會有一個免費生日魚生飯，因為啲材料好貴個喎！唔知以為幾珍貴！ 咁就唔好寫住免費啦！問個經理多句，又話自己係打工唔關佢事架！啲嘢難食不在話下，啲位又窄，冷氣又唔夠，侍應態度差，仲要倒瀉野連道歉都冇句，個經理不斷喺度鬧啲新來侍應生，一碟肥牛來三小片, 食物選擇一般，味道新鮮度又唔夠，咁寒酸，咪鬼學人搞放題火鍋啦！老實，我地在大快樂火鍋都開心d! 平心已論，喺青衣大商場呀，做食物的都是半個良心事業，俾啲質素啦！所以真係恭喜佢結業啦！仲要執得咁快，開始食已經預咗佢會執啦！令一邊仲學人搞素食， 算吧啦！有冇心做好食物，黑心淨係賺錢，聰明的消費者睇唔到㗎咩！呢度係香港! 不如返去羅湖商業城開啦！總括而言，貼錢買難受，不知所謂！最慘剛去完日本旅行乜都好好食，剛回港就食到呢啲垃圾，真係覺得好難受！