龍拉麵 (已結業)

個師傅真係極度冇禮貌！！！ 我同朋友一路食拉麵一路傾計，我show 梗我電話啲相俾佢睇，個師傅話「 小姐 呢度唔玩得電話嫁」 「你成三分鐘冇食啲麵 會糊架」 態度勁差！我勁嬲！ 咩叫唔玩得電話 係因為佢見到出面有人排隊所以想我地快啲走！！！ 我俾88 蚊食個晚餐 應該係包埋個空間去傾計！ 同埋如果啲拉麵三分中就會糊會唔會係師傅你嘅問題呢！ 係咪要人三分中就成曬碗麵跟住走你就賺最多？！ 真係好唔識尊重人，憑乜野去限制我用電話！ 重點！！！ 其實由我坐低到我最後離開只係半個中嘅時間，仲要我俾佢話完之後係食得勁慢，個拉麵有勁多櫻花蝦我逐條逐條食，個客食左三個字就講說話俾人聽趕人走！ 真係唔明點解仲會有咁多人去食去受氣！ 得番三款拉麵揀，選擇又少，味道又勁多味精重口味，櫻花蝦、粟米、木耳啲配料係勁多嘅，塊肉味道都不錯，但絕對唔值88 蚊呢個價錢同埋服務！ 連水都要自己斟！