人和月雞煲火鍋店 (已結業)

開返嗱....開返嗱........晚市堂食終於開返啦，火鍋呢D梗係要會一會佢，尤其係放題，一個價錢任飲任食，唔駛自己係屋企整餐死有卡位坐，正!  出去大雪柜拎飲品，咁多款，選擇困難症又出現.........一路飲一路食住迎新小食炸燒賣四款頭盤任選一今晚所食嘅餐無咩海鮮，咁就要個味鮮卜卜蜆，滾起就食得，除咗有鮮甜無沙嘅蜆，仲有蝦架，粉絲加埋充滿蒜香味嘅湯，唔會食得太飽，留返D戰鬥力去火鍋時間五款套餐，由美國極品牛肉到日本A4和牛海鮮都有，任飲任食120分鐘。今晚食美國極品牛肉 (A餐)，每位$298呢一份美國極品牛肉，一盤比你試到唔同部位，包括牛下肩，牛板腱，金錢展，牛胸爽及雪花肥牛多款湯底中選擇胡椒豬肚湯，火鍋時間正式由呢片牛下肩開始..........................薄片灼一灼就食得，肉味幾出之後到牛板腱，肉味出之餘口感嫩D，無咩脂肪位，多食都唔怕....哈哈近期興食牛胸爽，呢度都有，就咁睇好似好肥膩咁，但入口有爽口感，幾特別。其他任食食材可以掃二維碼落單，牛板腱，金錢展，牛胸爽及雪花肥牛都係度搵度，仲叫咗D豚肉梅頭片，脘魚片，鴨血及餃類等鴨血一貫滑溜，配胡椒豬肚湯