Eiffel Bistro (已結業)

成日都覺得太古好似無咩好食咁，見係星期五，所以試下間貴少少嘅法國西餐廳，當係TGIF。其實好耐之前已經試過一次，無咩特別好感，但見而家成日都咁多外國人去，應該都可以，所以就再去啦。我哋叫咗個洋蔥湯，三文魚同牛扒，諗住依啲嘢喺西餐嚟講都算大路，應該唔錯。點知一嚟到碗洋蔥湯就已經好唔掂，好稀，無洋蔥亦都無洋蔥味，完全好似只係味精溝水咁。同埋飲完都覺得好口渴。我個三文魚先奇怪，唔知係啲咩fushion菜，但完全無三文魚味，仲有一陣怪味，同埋個口感一啲都唔似三文魚，我一度懷疑其實係熟未。到牛扒，理應係西餐廳嘅基本菜式，但嗌半成熟都可以全部都係筋，切又切唔開，咬又咬唔爛，本身想堅持食埋佢，但真係搞唔掂！咁就嘥咗半塊扒！依間餐廳真係永遠都唔會再幫襯，而且服務都麻麻地，好似好寸咁，真係唔明點解平時咁多外國人喺度食嘢！