Freezer (已結業)

復活節假期難得到西貢一遊，見到呢間餐廳開揚又有海景，諗住好好享受一個悠閒又美味既午餐。兩個人點咗一個Set Lunch ($45)，包咗日式雞扒烏冬同凍檸茶，另外以$50散叫Carbonara。個烏冬流到不得了，用咗一個白色但唔係日式、只有麻油味o既湯底，成碗烏冬都好油，份量又少，好失望。點知一山還有一山低，個Carbonara唔好話同餐廳o既比，即使同一般茶餐廳o既白汁意粉比，都差十倍。無用任何cream唔在講，個汁一 “pet pet”、杰撻撻、味道又古怪，連金寶湯o既味道都不如，唔明點解可以叫做Carbonara，更加唔知點解可以賣 $50。食物質素超低，唔會再幫襯！