影片
更多
2007-10-12
8 瀏覽
亞爸亞媽食齋，佢地兩老又唔鍾意出街，難得就響屋企樓下開左間齋舖，決定中秋節請亞爸亞媽黎食一次順便當過節。雖然中秋都過左一排，但實在不吐不快，所以決定上黎講返出黎等各位食客注意。已經早成個星期訂左檯，但去到都仲要好似walk-in 客咁等，而且仲要係門口位，已經覺得有0的離譜。而且相信佢為左做多0的生意，過節當日開多左好多檯(仲要開埋出門口)，逼到咩咁；凳貼凳、人撞人，環境可以話完全不濟。除左侍應客氣0的之外，冇乜特別好0既服務。一坐低就話今日過節，全部淨係做套餐，冇得散叫。我心諗有冇攪錯？我俾呢個價錢你叫我黎食快餐？！但怕攪到亞爸亞媽唔開心，自己硬食。一家六個人，叫左個六人餐(個名當然改到富麗堂煌咁啦)，依稀記得價錢係$668。菜單：1) 齋滷味2) 水果大蝦沙律3) 海蜇燻蹄4) 百鳥歸巢5) 乳豬6) 糖水齋滷味、現成野，咁都可以當做一個菜。水果大蝦沙律，大蝦係現成素料，沙律水果固然係；而且邊有可能俾碟沙律人地配飯？海蜇燻蹄，現成素料開封放埋一碟。百鳥歸巢，個巢「益」0既，明顯係炸定；最面0的雜碎又係微暖0既，睇怕又係炒定好多叮返熱。乳豬，現成素雞炸完淨加0的茄汁響面，完全冇技巧可
雖然中秋都過左一排，但實在不吐不快，所以決定上黎講返出黎等各位食客注意。
已經早成個星期訂左檯，但去到都仲要好似walk-in 客咁等，而且仲要係門口位，已經覺得有0的離譜。
而且相信佢為左做多0的生意，過節當日開多左好多檯(仲要開埋出門口)，逼到咩咁；凳貼凳、人撞人，環境可以話完全不濟。
除左侍應客氣0的之外，冇乜特別好0既服務。
一坐低就話今日過節，全部淨係做套餐，冇得散叫。我心諗有冇攪錯？我俾呢個價錢你叫我黎食快餐？！但怕攪到亞爸亞媽唔開心，自己硬食。
一家六個人，叫左個六人餐(個名當然改到富麗堂煌咁啦)，依稀記得價錢係$668。
菜單：
1) 齋滷味
2) 水果大蝦沙律
3) 海蜇燻蹄
4) 百鳥歸巢
5) 乳豬
6) 糖水
齋滷味、現成野，咁都可以當做一個菜。
水果大蝦沙律，大蝦係現成素料，沙律水果固然係；而且邊有可能俾碟沙律人地配飯？
海蜇燻蹄，現成素料開封放埋一碟。
百鳥歸巢，個巢「益」0既，明顯係炸定；最面0的雜碎又係微暖0既，睇怕又係炒定好多叮返熱。
乳豬，現成素雞炸完淨加0的茄汁響面，完全冇技巧可言。
糖水，唯一一個可以暖肚0既野...
外加幾碗白飯。
埋單，八百八十幾！
我真係唔知0個二百幾又可以響邊度爆出0黎。
又係睇在兩老份上，「骨」聲吞左佢...
除開一個[食送]百幾蚊，食0既係凍0既、唔使炒0既、現開現食0既素料。
真離晒大譜、不知所謂！除左粗口之外，我真係再講唔出第二樣。
咁0既價錢我可以出去食餐超豪架啦。兩餐都得啦。
餐廳價、快餐店環境、below 快餐店食物。
仲話齋舖喎、仲話信佛喎。做生意咁唔老實，以後都唔會再去！
如果有朋友有同樣經驗，請留言並咪籲大家杯葛呢間0野。
張貼