佳佳甜品

營業中

休息中

前日去開佐敦睇跌打，專登就去呢間出名嘅甜品店試吓，叫咗芋茸西米露+3粒湯圓。當時第一啖食咗西米露唔係好甜，覺得唔錯。之後食粒芝麻湯圓就係惡夢嘅開始啦，咬咬下覺得好似唔妥，𡁻落有啲唧唧聲，吐出嚟睇見到隻曱甴腳 🤮，OMG當時已經呑咗大半粒呀😭，即刻話俾個侍應聽，個阿姐竟然夠膽話係西米露裏面嘅香草嚟嘅啫😡我即刻就話嗰碗糖水冇可能有香草或草藥個喎，隻腳係喺湯圓裏面發現的，之後佢就拎隻曱甴腳上手捽下掂下，然後就淨係話換一碗俾我和會同老闆反映，我梗係唔要，唔會再響呢間鋪再食任何野啦。發生咗咁嘔心嘅事，佢都冇主動話唔收錢，仍然諗住要收費，係我同佢講我食咗兩啖就出事啦，我唔會俾錢，佢先至同收銀員講聲。呢間店我會永久blacklist, 佢令到我宜家食任何一粒粒包住嘅嘢都有好大陰影。