竹虎京堂

營業中

休息中

成幢mega box入面不幸揀到呢間野，見賣相同價錢幾吸引，一食就出事。成餐勁難食，難食到唔寫出黎都對唔住自己。前菜，麵豉湯同甜品仲要另外加錢，好後悔，前菜個昆布好青，麵豉湯勁咸，甜品賣相已經唔吸引，食落似啫喱但唔會想食落去。汁煮牛舌係好韌，太厚根本唔適合煮，唔好食。無論凍熱嘅麵汁／湯都似普通豉油溝水，同個麵完全唔夾，直頭難食。比較放得落口嘅係豬頸肉，不過啲肉同明太子一樣好重燒焦燶味 （外表冇燶）。總之全部都伏，唔明點解有人排隊，仲要企門口個中年女士服務員西口西面，埋單比錢多謝都冇聲，永無下次（場內的後生店員服務都唔錯的）。