肥老闆老壇酸菜魚 (已結業)

我以前成日都返大陸食嘢，咩麻辣小龍蝦咩酸菜魚呀等等等等，喺大陸食真係又平又好味！但係而家疫情關係，冇得返大陸，喺香港其實都食得到🤣🤣 搵咗好耐，呢間肥老闆老壇酸菜魚嘅酸菜魚真係冇得頂~!! 😎門面唔算好華麗，低調但係最緊要好味！酸菜魚一大盤上枱，已經聞到麻辣味！證明湯底係真材實料煮出嚟🤤 啲魚好亂畫，一啖咬入去好似入口即溶咁😍 送飯食都真係可以食到幾碗飯㗎！另外我都好推介川味毛血旺😋 裏面材料好豐富，有鴨血、腩肉、午餐肉、魷魚，材料擺滿左一盤，見到佢嘅顏色，已經好想食！識落感覺唔算好辣，但係送飯就一流！我最鍾意佢嘅腩肉，肥瘦分布啱啱好，辣味滲入肉入面，食落超級滋味！🤤🤤