川公所 (已結業)

其實我真係好鍾意食辣到十足嘅川菜，呢一間真係超級好食，味道好正宗，環境又乾淨企理👍👍👍 川菜嚟講梗係要食紅油抄手啦呢度嘅份量十足，外面嘅皮好薄，裏面嘅餡料又好多，香辣嘅紅油味道喺口腔中瀰漫着，好好味一啲都唔油膩。 另外梗係要叫毛血旺，麻麻辣辣食起嚟最過癮，鴨血都係好Q彈，好有咬口。另外重點就係一定要食水煮牛肉，賣相好靚，有我最鍾意嘅香蔥鋪喺面，而且佢份量勁多，牛肉好林，又有牛味，個汁好好味，好香又夠辣。好好餸飯啊。 淘大呢度係有好多嘢食，大大小小連鎖店都有，但係我每次首選都係食呢間，因為佢啲用料好足，餐廳環境又靚，又乾淨又企理，服務又好！ 所以呢間絕對會推介俾身邊嘅朋友👍👍👍👍👍