百味堂 (已結業)

前排去咗希慎嘅誠品書局睇書，離開之際見到門口有pop-up store既百味堂~ 仲要係買一送一！勁多人排隊🙈 我就唔排到，但係想食，所以第日去咗幫襯🙈佢仲有其他食品，同埋飲品，但係我就冇細心睇啦🙈叫咗佢嘅招牌，不過就唔係原味，係豆漿牛奶味~ 佢整得好快！仲要放係一個專放雪糕嘅架上面，簡直要你拎相機出嚟影相🤣🤣佢嘅筒有啲似麥當勞雪糕嗰個～ 🙈 佢嘅雪糕形狀簡直係經典🤣🤣 味道方面，超級正👍🏻 唔係普通食到有冰感嘅雪糕～ 而係入口即溶，非常重奶味同豆漿，真係回味無窮～ 佢係軟雪糕，所以一放入口就變咗流質，好正😋