瑰花甜戀愛甜品屋 (已結業)

我絕對唔係打手... 我都未試過食嘢係嬲到要出po鬧.. 我本身打算放上facebook鬧完就算，但我啲朋友叫我放上嚟等其他人唔好受害... 初初我見出面menu有介紹甜品，而且幾吸引，我望入間嘢望好似幾好所以我同男朋友就去幫襯... 入去嗰陣係有兩個女仔喺度表演.. 唱得好唔好聽都係其次，但支咪係大聲到我同我男朋友完全聽唔到對方講嘢... 我哋兩個人只係叫一份雞扒司華力腸鐵板餐配薯菜照燒汁同一杯椰汁紫米冰，杯嘢嚟到勁淡，啲冰仲多過啲紫米，都算... 個鐵板餐等咗我差不多半個鐘，中間仲要追咗兩次... 嚟到之後明明叫咗燒汁又冇俾，成張枱仲要冇义，我男朋友走去問個侍應：「唔該，我冇义用.. 」條友似開玩笑但態度好寸咁答：「我知我廢！」就咁行開咗，之後問佢拎返照燒汁態度仲要更差！到食落去嗰下仲嬲，啲嘢食嚟到樣樣有一大半都燶！點樣食呀？？好快食完呢啲咁嘅嘢連甜品都唔想叫... keep住聽兩把雞仔聲唱歌已經覺得好煩，啲嘢食遲仲要燶到咁，啲態度又惡劣.... 以後唔會再去呢間嘢...