影片
更多
2022-06-03
392 瀏覽
.📍BYOB Coffee Roaster📍#饅頭去屯門 #饅頭食西餐 #饅頭與cafe培養感情系列------------------------------1️⃣ 墨魚汁海鮮意粉 ($90)小編都幾滿意今次嘅手工意粉，每條都好幼長，軟硬程度適中，非常有咬口，係我印象中飲過咁多cafe以嚟最鐘意嘅意粉質感😍。墨汁溝忌廉同橄欖油，成功包住每一條意粉，意粉亦有落到椒蒜同蔥炒香，食落creamy帶些少鹹味，但一啲都唔膩，不過忌廉嘅味道稍為濃郁咗少少，如果墨汁鮮味再突出番啲就更好。配料方便，佢竟然係落足料🥺💕，有青口、魚柳、大蝦同魷魚4款海鮮，唔似坊間Cafe咁求其比兩三粒帶子就收工。海鮮全部都煎香至金黃色，唔會有急凍雪藏味道，鮮味十足，最欣賞嘅係佢哋嘅大蝦🥰，口感似蝦球爽口彈牙，醃得入味；青口生熟程度亦啱啱好，唔會煮到好乾硬；魷魚同青衣柳亦有煎香嘅味道，但魚柳唔算好滑，不過不失。◾評分：8.2/10------------------------------2️⃣ 黑松露雜菌意粉 ($70)有人嗌嘅呢碟意粉質地依然係好有彈性👍🏻，意粉帶麵粉香，但口感稍為乾身咗少少，不過非常入味，黑松露醬嘅香味喺口
📍BYOB Coffee Roaster📍#饅頭去屯門 #饅頭食西餐 #饅頭與cafe培養感情系列
------------------------------
1️⃣ 墨魚汁海鮮意粉 ($90)
小編都幾滿意今次嘅手工意粉，每條都好幼長，軟硬程度適中，非常有咬口，係我印象中飲過咁多cafe以嚟最鐘意嘅意粉質感😍。墨汁溝忌廉同橄欖油，成功包住每一條意粉，意粉亦有落到椒蒜同蔥炒香，食落creamy帶些少鹹味，但一啲都唔膩，不過忌廉嘅味道稍為濃郁咗少少，如果墨汁鮮味再突出番啲就更好。
配料方便，佢竟然係落足料🥺💕，有青口、魚柳、大蝦同魷魚4款海鮮，唔似坊間Cafe咁求其比兩三粒帶子就收工。海鮮全部都煎香至金黃色，唔會有急凍雪藏味道，鮮味十足，最欣賞嘅係佢哋嘅大蝦🥰，口感似蝦球爽口彈牙，醃得入味；青口生熟程度亦啱啱好，唔會煮到好乾硬；魷魚同青衣柳亦有煎香嘅味道，但魚柳唔算好滑，不過不失。
◾評分：8.2/10
------------------------------
2️⃣ 黑松露雜菌意粉 ($70)
有人嗌嘅呢碟意粉質地依然係好有彈性👍🏻，意粉帶麵粉香，但口感稍為乾身咗少少，不過非常入味，黑松露醬嘅香味喺口入面慢慢滲出，配搭爽甜嘅蘆筍同雜菌自身嘅香氣，確實幾好食，朋友好鐘意，而且價錢合理，不過整體味道對我嚟講就唔會話有太大驚喜。
◾評分：7.7/10
------------------------------
3️⃣ 卡邦尼意粉 ($70)
呢碟意粉掛汁能力一流，口感濃稠creamy，入口都充斥住忌廉味道， 佐以黑椒同洋蔥嘅香氣，配埋蛋黃漿則更加香濃；煙肉同蘑菇嘅份量都唔少，蘑菇幾爽脆，但就唔太感受到煙肉嘅鹹香，整體層次就爭緊啲，冇前兩款意粉咁驚艷。
◾評分：7.5/10
------------------------------
🔸整體評分：7.8/10
🔸小編回頭率：7/10
張貼
