京滬佳餚 (亞太中心) (已結業)

我真係超級鍾意食中菜～！哩間京滬菜嘅四人午餐套餐除咗好味 仲要超級抵食只係$468就可以食到片皮鴨四款點心、醉雞、紅燒豆腐、菜同擔擔面抵食到震！而且環境環境大又乾淨好岩帶埋屋企人嚟食！❤️💠京滬香酥烤鴨午市套餐（$468/4位用）.🔸京滬香酥烤鴨（半例）鴨皮非常脆口、唔油、有燒烤嘅香味，鴨肉有彈性唔肥，配料有烤鴨醬、青瓜、蔥絲、蒜蓉，用薄餅包埋食好正！🔸招牌小籠包皮薄內有湯汁，餡料嘅豬肉好香，好食。🔸魚子醬燒賣豬肉燒賣做得好彈牙好食，有肉香、冬菇香。🔸芝士脆蝦卷炸得夠脆又乾身，而且幾粗身大條，餡料又多。🔸京滬香蔥煎餅個餅係酥皮，超級酥香，就似酥皮湯個塊酥皮咁，配搭埋香蔥餡，真係超香口好味！🔸花雕醉雞雞好嫩滑無骨，皮係爽彈的，酒味幾清香，適合喜歡清淡嘅朋友。🔸家常紅燒豆腐豆腐煮得好滑，配埋好多蔬菜，醬汁唔會好濃，感覺好健康。🔸魚湯鮮腐竹浸畤蔬白菜好新鮮好翠綠，非常爽口，腐竹浸咗魚湯，變得更加好味。🔸京滬擔擔麵最後一人一碗麵，湯底好濃郁，充滿花生香，有細微嘅辣度，麵條掛湯，整體好惹味！.另外，可半價加配主餐牌内任何甜品，我哋揀咗桃膠燉鮮奶，面頭有好多桃膠勁足料，燉奶嘅奶味好濃，幾好味。